Кіпрска-ізраільская дэкларацыя аб міры і прымірэнні
9 снежня кіраўнік
Праваслаўнай Царквы Кіпра, архіепіскап Хрызастом ІІ і галоўны рабін Ізраіля Ёна Мэтцгор
падпісалі сумесны зварот, у якім заклікаюць рэлігійных лідэраў і ўсіх людзей добрай
волі “сумесна спрыяць справе міру і прымірэння ў свеце”. “Тысячагадовыя гістарычныя
сувязі паміж яўрэйскім і кіпрскім народамі прынялі сёння форму новых, братэрскіх адносін”,
- адзначаецца ў звароце. Іерархі прызнаюць, што ў мінулым адносіны паміж імі былі
адзначаны рознымі непаразуменнямі, але сёння яны сумесна асуджаюць “усе праявы недахопу
павагі да іншых рэлігійных супольнасцяў і іх святых месцаў”.
“Мы асуджаем
усе акты, якія абражаюць святасць рэлігіі, асабліва гвалт і тэрор супраць нявінных
людзей, акты, якія выкарыстоўваюцца ў імя Бога і рэлігіі”, - адзначылі рэлігійныя
лідэры. У звароце падкрэсліваецца, што Праваслаўная Царква і народ Кіпра ніколі ў
сваёй гісторыі не выступалі супраць юдаізма, і не фармуліравалі абвінавачванняў у
калектыўнай віне яго вызнаўцаў.
З іншага боку звяртаецца ўвага на тое, што
“народ Ізраіля ніколі не здзейсняў актаў агрэсіі супраць народа Кіпра і што любыя
спробы пагрозаў яго каштоўнасцям і рэлігійнай ідэнтычнасці не адпавядаюць духу ўзаемнай
павагі і супрацоўніцтва”.
Арцыбіскуп Хрызастом ІІ падчас сустрэчы з журналістамі
сказаў, што ХХІ ст. з’яўляецца стагодзем дыялога і збліжэння. Сумесная дэкларацыя
ставіць канец любым падазрэнням у варожасці ў адносінах паміж двума народамі.