Սփիւռքահայերը Մնացած Են Հայ.....

8 Դեկտեմբերին, ՀՀ Սփիւռքի նախարարի տեղակալ Արմէն Հայրապետեանի մասնակցութեամբ, տեղի ունեցաւ երաժշտահան Արա Գէորգեանի, երգչուհիներ Զարուհի Պապայանի, Արմինէ Նահապետեանի, երաժիշտներ Վարազդատ Խաչումեանի եւ Սեւակ Ամրոյեանի մամուլի ասուլիսը՝ «Հարաւային Ամերիկայի հայ համայնքներու կրթամշակութային աջակցութիւն» ծրագրի ծիրէն ներս Պրազիլի, Արժանթինի եւ Ուրուկուէյի մէջ իրականացուցած բարեգործական համերգներու վերաբերյալ։
Սփիւռքի մէջ հայ երգիչներու ելոյթները հայ համայնքներուն համար մեծ նշանակութիւն ունին:
Հոկտեմբեր 2-19 Արա Գէորգեան եւ Նոյեմբեր 21-30 երկարող ժամանակահատուածին երգչուհիներ Զարուհի Պապայեան, Արմինէ Նահապետեան, ինչպէս նաեւ երաժիշտներ Վարազդատ Խաչումեան եւ Սեւակ Ամրոյեան «Հարաւային Ամերիկայի հայ համայնքներու կրթամշակութային աջակցութիւն» բարեգործական համերգային ծրագրերու ծիրին մէջ հանդէս եկած են Ուրուկուէյի Արեւելեան Հանրապետութեան, Պրազիլի Դաշնային հանրապետութեան եւ Արժանթինի Հանապետութեան մէջ:
«Զարմացած եմ: Առաջին անգամ իմ նուագախումբը օժանդակութիւն ստացաւ պետութիւնից: Դա շատ կարեւոր է մեզ համար, երբ պետութիւնը աջակցում է մեր գործունէութեանը: Ինձ համար ամենատպաւորիչը քաղաքապետարանի առջեւ կազմակերպուած համերգն էր, երբ լեփ–լեցուն էին փողոցները»,- ըսաւ Արա Գէորգեան:
Երգչուհի Արմինէ Նահապետեան զարմացած է, թէ ինչքան հայեր կան Լատինական Ամերիկայի այդ երեք երկիրներուն մէջ: «Համերգներին մասնակցում էին ամենափոքրիկներից մինչեւ ամենամեծ տատիկներն ու պապիկները, եւ մինչեւ ուշ երեկոյեան ուրախանում էին բոլորի հետ»,- ըսաւ Արմինէ Նահապետեան:
Իսկ Զարուհի Պապայեան զարմացած է, թէ սփիւռքահայերը ինչպէս կրցած են այդքան հեռու երթալ եւ այդքան հայ մնալ:
2012ին սփիւռքի նախարարութիւնը պիտի կազմակերպէ «Իմ Հայաստան» փառատօնը, որուն պիտի մասնակցին բոլոր անոնք, որոնք կը փափաքին իրենց արուեստը Հայաստան բերել: