Праваслаўны епіскап і равін падпісалі сумесную дэкларацыю
Аб неабходнасці адмовіцца
ад праяваў узаемнай непавагі ў адносінах паміж хрысціянскімі і яўрэйскімі супольнасцямі
заявілі кіраўнік Кіпрскай Праваслаўнай Царквы архіепіскап Хрызастом II і Галоўны рабін
Ізраіля Ёна Метцгер. Яны падпісалі ў Нікасіі сумесную дэкларацыю, задача якой, па
словах кіпрскага іерарха, “пакласці канец варожасці і падазронасці, якія атручваюць
сувязі паміж двума народамі”. Дакумент быў прыняты ва ўмовах, калі адносіны паміж
Кіпрам і Ізраілем перажываюць уздым. У мінулым годзе краіны падпісалі пагадненне аб
размежаванні марскога шэльфа, што дазволіла Нікасіі пачаць работы па разведцы вуглевадародаў
у сваёй эканамічнай зоне. У гэтым годзе прэзідэнты дзвюх краін абмяняліся дзяржаўнымі
візітамі.
Прадстаяцель Кіпрскай Царквы і Галоўны рабін Ізраіля таксама пацвердзілі,
што абодва рэлігійныя вучэнні аднолькава з павагай ставяцца да права на жыццё і чалавечай
годнасці. “Мы асуджаем любыя акты, якія апаганьваюць гэтыя святыні, у першую чаргу,
насілле і тэрор у адносінах да нявінных і, асаблівым чынам, калі гэта здзяйсняецца
ў імя Бога і рэлігіі”.
Хрызастом II і Ёна Метцгер узялі на сябе абавязацельства
“разам працаваць на карысць міру і паяднання паміж народамі і заклікалі ўсіх рэлігійных
лідэраў і людзей добрай волі далучыцца да іх намаганняў”.