Святы Айцец уключыць ілюмінацыю на самай вялікай ёлцы ў свеце
З дапамогай кампутарнага
планшэта, 7 снежня, Бэнэдыкт XVI са сваіх апартаментаў у Ватыкане, запаліў самую вялікую
святочную ёлку ў свеце. Яна знаходзіцца ў мястэчку Губіо, у 250 км ад Рыма. Ёлка з
Губіо – гэта ззяючая выява каляднага дрэва, якая размешчана на схіле вялікай гары.
Вышыня гэтай канструкцыі 750 м, а шырыня 450 м. Ёлка “намалявана” з дапамогай 300
светлавых пунктаў і ўпрыгожана іншымі 400 лямпамі вялікіх памераў. Правады, якія выкарыстоўваліся
для сварэння дрэва, расцягнуліся на 8,5 км. Дзякуючы спецыяльнаму электрасігналу Пантыфік
актывізаваў генератар, які запаліў святочную ілюмінацыю. Гэту незвычайную падзею трансліраваў
у прамым эфіры італьянскі тэлевізійны канал “Rai Uno”.
Ініцыятыва ўсталявання
вялікай ззяючай ёлкі – сімвала міра і братэрства сярод народаў, належыць да групы
валанцёраў, якія стварылі камітэт пад назвай “Самая вялікая калядная ёлка ў свеце”.
Цэрымонія запальвання лямпачак на канструкцыі пачалася спевам хора мясцовага катэдральнага
касцёла. Затым з прамовамі да прысутных звярнуліся прадстаўнікі ўладаў рэгіёна і каталіцкія
іерархі. Пасля гэтага ўдзельнікі цырымоніі, дзякуючы спецыяльнаму тэле-масту пачулі
прывітанне Папы, які затым здзейсніў запальванне святочнай канструкцыі.