6 снежня ў Ватыкане
адбылася сустрэча паміж членамі Папскай рады па міжрэлігійным дыялогу і дэлегацыяй
вызнаўцаў джайнізма, у якой прынялі ўдзел старшыня ватыканскай дыкастэрыі Жан Луі
Таран і Нэму Чандарыя, намеснік старшыні рады дырэктараў Інстытута Джайнізмалогіі.
Сустрэча на такім узроўні паміж прадстаўнікамі двух веравызнанняў з’яўляецца другой
у гісторыі. Першая адбылася ў лютым 1995 г. Акрамя таго, варта падкрэсліць, што прадстаўнікі
джайнізма прымалі ўдзел у малітоўных сустрэчах за мір у свеце, якія праходзілі ў Асізі
ў 1986, 2002 і 2011 гг. 13 лістапада 2011 г. па ініцыятыве Папскай рады па міжрэлігійным
дыялогу ў сталіцы Індыі Дэлі праходзіў семінар на тэму хрысціянска-джайнісцкага дыялогу.
“У
выніку сённяшняй сустрэчы, члены дэлегацый, у атмасферы ўзаемнай павагі і сяброўства,
выразілі задавальненне сардэчнымі адносінамі і супрацоўніцтвам, якія існуюць паміж
хрысціянскімі і джайнісцкімі супольнасцямі ў краінах, дзе пражываюць прадстаўнікі
гэтых веравызнанняў”, - адзначаецца ў спецыяльным дакуменце, апублікаваным сёння Заляй
Друку Апостальскай Сталіцы.
Удзельнікі сустрэчы выказалі агульную зацікаўленасць
у спрыянні супольнаму дабру грамадстваў, адукацыі моладзі згодна з уласнымі традыцыямі,
лепшым узаемным знаёмстве, свабодзе, міру і сацыяльнай гармоніі.