Хрысціянская арганізацыя
“Міжнародны хрысціянскі канцэрн” (International Christian Concern) скінула больш за
10 тыс. Біблій на тэрыторыю Паўночнай Карэі з дапамогай цеплавых аэрастатаў. У кожны
апарат было загружана каля тысячы асобнікаў Святога Пісання. Праляцеўшы пэўную адлегласць
ў паветранай прасторы Паўночнай Карэі, аэрастаты выбухалі, піша “Fides”. “Міжнародны
хрысціянскі канцэрн” займаецца падтрымкай вернікаў, у тым ліку тых, якія жывуць на
тэрыторыі краін, дзе Хрысціянства з’яўляецца пераследуемай рэлігіяй.
Паўночная
Карэя – закрытая для місіянерскай дзейнасці краіна, вядомая сваім жорсткім стаўленнем
да хрысціянам. Тут за распаўсюд Бібліі можна трапіць у турму. Разам з тым, у Паўночнай
Карэі Біблія з’яўляецца каштоўным таварам на так званым “чорным рынку”. Салдаты канфіскуюць
кнігі ў хрысціян, самі ж потым арганізуюць іх продаж.
Паводле апошніх ацэнак,
у Паўночнай Карэі хрысціянства вызнаюць каля 400 тыс. чалавек.