Ամենայն Հայոց Կաթողիկոսը Ընդունեց Մանկական Եւրատեսիլ 2011-ի Մասնակցողները։

Մայր Աթոռ Սուրբ Էջմիածնի մէջ, Դեկտեմբեր 1ին,, Գարեգին Բ Ամենայն Հայոց Կաթողիկոսը ընդունեց մանկական Եւրատեսիլ 2011 մրցոյթի մասնակիցները։
Վեհափառը ողջունելով Եւրատեսիլի պատանի մասնակիցներու այցը Մայր Աթոռ Սուրբ Էջմիածին, Եւրոպայի տարբեր երկիրներէն Հայաստան ժամանած երեխաները, անոնց ծանօթացուց հայ ժողովուրդի պատմութիւնը, ու ամենայն հայոց հոգեւոր կեդրոն Մայր Աթոռ Սուրբ Էջմիածնը։
՜՜Վստահ ենք, որ բոլորդ էլ ուրախ ու խանդավառ էք։ Համերգի ժամանակ տարբեր բարձունքներ պիտի նուաճէք։ Ցանկանում եմ, որ ձեր մէջ ուրախութիւնն անպակաս լինի, անկախ նրանից, թէ ինչ բարձունքի պիտի հասնէք, որովհետեւ արդէն իսկ բարձունք էք նուաճել՝` մասնակցելով այս մրցոյթին՝՝ նշեց Վեհափառը, ապա իր օրհնութիւնն ու գնահատանքը յայտնեց երիտասարդներուն, որոնք վաղ տարիքին մէջ այդքան ճիգ, ջանք եւ աշխատանք կը տանին իրենց տաղանդը ցոյց բերելու եւ գեղեցիկ բարձունքներ նուաճելու համար։
Հանդիպման աւարտին պատանիները այցելեցին Մայր Աթոռի թանգարանները, ծանօթանալով հայ ժողովուրդի ազգային-հոգեւոր արժէքներուն։