Ճակատամերձ Գօտիին Մէջ Կը Նախատեսուի Հայաստանի Եւ Ազրպէյճանի Հոգեւոր Պետերու Հանդիպում։

Կովկասի մահմետականներու վարչութեան ղեկավարի տեղակալ Սապիր Հասանլի Պաքուի մէջ տեղի ունեցած մամլոյ ասուլիսի մը ընթացքին յայտարարեց, որ մօտիկ ապագային կը նախատեսուի Հայաստանի եւ Ազրպէյճանի հոգեւոր պետերուն հանդիպումը ճակատամերձ գօտիին վրայ: Ան ճշգրիտ ժամկէտ չնշեց հանդիպումին համար:
Հասանլի յայտնեց, որ այսպիսի համաձայնութիւն ձեռք բերուած է Երեւանի մէջ Ամենայն հայոց Գարեգին Բ. կաթողիկոսի եւ Կովկասի մահմետականներու վարչութեան նախագահ շէյխ ուլ իսլամ Ալլահշիւքիւր Փաշազատէի` Մոսկուայի ու Համայն Ռուսիոյ Քիրիլ Ա. պատրիարքին մասնակցութեամբ տեղի ունեցած հանդիպման ընթացքին: