Պենետիկտոս ԺԶ Սրբազան Քահանայապտի Գործունէութիւնը

Ուրբաթ 2 դեկտեմբեր 201 առաւօտեան ժամը 9ին Պենետիկտոս ԺԶ Սրբազան Քահանայպետը Վատիկանի Redemptoris Mater մատրան մէջ մասնակցեցաւ Սուրբ Ծննդեան պատրաստողական` Յիսնակաց շրջանի խորհրդածութեան նիստին։Ապա ժամը 11ին Քահանայապետներու Սրահին մէջ ընդունեց Աստուածաբանական Միջազգային յանձնախումբի 32 անդամները։
Ժամը 11.30 Սրբազան Հայրը հանդիպում ունեցաւ միջեկեղեցական Քահանայապետական խորհուրդի նախագահ` Կարտինալ Ժան Լուի Թոռանի հետ ու 11.50 ընդունեց Իտալեիոյ ֆիրենցէ քաղաքի Արքեպիսկոպոս` գերապայծառ Ճուզեփփէ Պեթորի։
Ժամը 12.10 անց Գոնչիսթորօ սրահին մէջ Սրբազան Քահանայապետը ունկնդրութիւն շնորհեց Միջազգային ուսանողներու հովուութեան գիտաժողովի 130 մասնակիցներուն։ Նշենք որ 30 նոյեմբերէն - 3 դեկտետմբեր, Միջազգային ուսանողներու հովուութիւնը` գաղթականութեան ու թափարաշրջիկութեան քահանայապետական խորհուրդի նախաձեռնութեամբ, Վատիկանի մէջ կազմակերպած է իր երրորդ գիտաժողովը ունենալով որպէս խորհրդածութեան նիւթ. ''մշակոյթներու միջեւ հանդիպում''։ Գիտաժողովին կը մասնակցին 36 երկիրներու 135 պատուիրակներ։
Յետ միջօրէի ժամը 17.30 Գլեմենդինա սրահին մէջ` Պենետիկտոս ԺԶ Քահանայապետի ներկայութեամբ` հեռասփռում կատարուեցաւ Պավարիայի հեռուստատեսիլի կայանի մէկ յայտագրին։