Յիսնակաց Շրջանի Խորհրդածութիւններ Վատիկանի Մէջ։ Գացէք Ողջ Աշխարհով եւ քարոզեցէք Աւետարանը
բոլոր արարծներուն (Մարկ. 16,15)
Վատիկանի մէջ այսօր ուրբաթ 2 դեկտեմբերին, ի պատրաստութեան Յիսուսի Գաստեան տօնին` Սուրբ
Ծննդեան, սկիզբ առին շաբաթական խորհրդածութիւնները ։ Այս տարուայ խորհրդածութիւնները
զոր կը կատարէ, ինչպէս միշտ, Քահանայապետական Տան քարոզիչը` Գաբուսին միաբանութեան անդամ`
Հայր Րանիէրօ Գանդալամեսսան, կը կեդրոնանան եկեղեցւոյ աւետարանացման պատմութեան չորս
հանգրուաններու վրայ ունենալով որպէս կէտնպատակ նաեւ 2012 Նոր Աւետարանութեան Սիւնհոդոսը։
Առաջին շաբթուայ խորհրդածութեան նիւթն է << Գացէք ողջ աշխարհով եւ արոզեցէք Աւետարանը
բոլոր արարծներուն>>։ Իսկ աւետարանացման չորս հագնրուաններն են ա) Երրորդ դարու երկրորդ
մասը Հռոմէական կայսրութեան աւետարանացումը։ բ) Վեցերորդ - իններորդ դար` եւրոպայի
աւետարանացումը։ գ) 16րդ դար <<նոր աաշխարհի>> աւետարանացումը եւ ի վերջոյ մեր դարաշրջանը
եւ արեւմուտքի վերավետարանացումը։ Նշենք որ այս խորհրդածութիւնները կը կատարուին
Վատիկանի Redemptoris Mater մատուռին մէջ, Պենետիկտոս ԺԶ Քահանայապետի եւ քահանայապետական
տան ընտանիքի մասնակցութեան։