കുടുംബങ്ങള്‍
ക്രിസ്ത്വാനുഭവത്തിന്‍റെ മാനുഷികതലമെന്ന്
1 ഡിസംമ്പര്‍ 2011, വത്തിക്കാന്‍
ക്രിസ്ത്വാനുഭവത്തിന്‍റെ മാനുഷികതലമാണ് കുടുംബമെന്ന്, ബനഡിക്ട് 16-ാമന്‍ മാര്‍പാപ്പ പ്രസ്താവിച്ചു . കുടുംമ്പങ്ങള്‍ക്കായുള്ള പൊന്തിഫിക്കല്‍ കൗണ്‍സിലിന്‍റെ സമ്പൂര്‍ണ്ണ സമ്മേളനത്തിന്‍റെ പ്രതിനിധികളെ വത്തിക്കാനില്‍ ഡിസംമ്പര്‍ 1-ാം തിയതി വ്യാഴാഴ്ച കൂടിക്കാഴ്ചയില്‍ സ്വീകരിച്ചുകൊണ്ട് സംസാരിക്കുകയായിരുന്നു മാര്‍പാപ്പ.
വിവാഹമെന്ന കൂദാശയില്‍ പടുത്തുയര്‍ത്തപ്പെട്ട്, സുവിശേഷവത്കൃതമായതും സുവിശേഷ പ്രഘോഷണ ദൗത്യമുള്ളതുമായ... കുടുംബം, രക്ഷാകരമായ സഭാ സമൂഹത്തിന്‍റെ പ്രതീകമാണെന്നും, ക്രിസ്തു-സ്നേഹം ഉള്‍ക്കൊണ്ട ദമ്പതികള്‍, അത് മറ്റുള്ളവരുമായി പങ്കുവയ്ക്കണമെന്നും മാര്‍പാപ്പ ഉദ്ബോധിപ്പിച്ചു.
ദൈവനിഷേധവും, കുടുംബങ്ങളുടെ ഭദ്രതയ്ക്കു വിരുദ്ധമായ ചിന്താഗതികളും, ധാര്‍മ്മിക തകര്‍ച്ചയും ഇടകലര്‍ന്നു കിടക്കുന്ന ഇന്നത്തെ സമൂഹത്തില്‍ നവസുവിശേഷവത്ക്കരണ പദ്ധതികള്‍ യാഥാര്‍ത്ഥ്യമാക്കിക്കൊണ്ട് സമൂഹത്തെ നവീകരിക്കാന്‍ ക്രൈസ്തവ കുടുംബങ്ങള്‍ക്കു സാധിക്കുമെന്ന് മാര്‍പാപ്പ പ്രതിനിധികളോട് ആഹ്വാനംചെയ്തു.
| All the contents on this site are copyrighted ©. |