Сённяшняя “L’Osservatore
Romano” паведамляе, што ў французскім Ліёне адбыўся першы ісламска-хрысціянскі форум,
у якім прынялі ўдзел католікі, пратэстанты і мусульмане краіны. Каталіцкі бок прадстаўлялі
арцыбіскуп Ліёнскі кардынал Філін Барбэрэн і арцыбіскуп Марсэльскі Жорж Понцье.
У
атмасферы братэрскай любові, даверу і адкрытасці ўдзельнікі мерапрыемства абмеркавалі
найважнейшыя актуальныя рэлігійныя праблемы, што існуюць у французскім грамадстве
такія як: сужэнства, душпастырства капеланаў у войску, бальніцах і турмах, з’ява свецкасці
і роля святароў у грамадстве. Падчас сустрэчы рэлігійныя лідэры падкрэслілі, што “усе
павінны быць, у першую чаргу, грамадзянамі, глыбока звязанымі з духам свецкасці, які
дае нагоду рэлігіям дзейнічаць у румках законаў Французскай Рэспублікі”.
Акрамя
таго, удзельнікі форума дамовіліся працягваць сумесную працу ў тых галінах, у якіх
існуе падобны погляд на каштоўнасці і чалавека. “У французскім шматкультурным грамадстве
дыялог паміж рэлігіямі не з’яўляецца толькі адным з варыянтаў, але сапраўднай неабходнасцю”,
- адзначылі ўдзельнікі форума. Яны вырашылі, што другая ісламска-хрысціянская сустрэча
адбудзецца ў 2012 г.