Gjatë audiencës së përgjithshme, Papa përshëndeti delegacionet e vendeve të ndryshme,
pjesëmarrëse në një takim me temë: “Nuk ka drejtësi, pa jetë”, organizuar nga Bashkësia
e Shën Egjidit. Benedikti XVI uroi që takimi të nxisë nisma të reja politike e ligjore
në të gjitha vendet e botës, për t’i dhënë fund dënimit me vdekje. I ftoi, më pas,
pjesëmarrësit në takim, t’i thellojnë përpjekjet, deri tani të suksesshme, që drejtësia
penale të përshtatet si me dinjitetin njerëzor të të burgosurve, ashtu edhe me ruajtjen
e rendit publik.