У нядзелю 4 снежня,
першы раз у гісторыі, Мальтыйская архідыяцэзія будзе адзначаць “Дзень святара”. Ён
пройдзе пад дэвізам: “Я заўсёды з вамі”. У заяве архідыяцэзіі адзначаецца, што мэта
ініцыятывы – “звярнуць большую ўвагу на служэнне, якое святар выконвае на карысць
Касцёла і грамадства”. Падчас “Дня святара” адбудуцца спецыяльныя набажэнствы ў інтэнцыі
духавенства.
Сёння на Мальце працуе 638 святароў. У краіне існуе 70 каталіцкіх
парафій. Шматлікія святары працуюць на місіях, у іншых краінах Еўропы, а таксама ў
Апостальскай Сталіцы.