Mrekullojini, o qiej, me blunë tuaj këto net dimri, e jini plot kthjelltësi!
Më
shpejt fluturoni në terrin e zjarrtë, ju meteorë të heshtur; tretini shkëndijat
në hapësirë. Ti hënë mos ec kaq shpejt kah perëndimi, se t’erdhi koha.
Katër
shtigjet e bardha shkojnë heshtas drejt katër anëve të gjithësisë së qëndisur me
yje. Flokë kohe bien si manë në skajet e tokës dimërore. Ne jemi më të përvujtë
se shkambijtë, më të shtruar se shkrepat.
Mahnitini me pastrinë tuaj këto
net të Pritjes së Madhe, o sfera të shenjta, pezull mbi rrymën e vrullshme të
ujit nën dhe.
Një copë jete ndalet në kujtesë, rri e pushon një ças te kashta
e artë; mendjet janë më të qeta se grigjat në kullosë, e shuhet gjëma e motit.
Oh!
Flokojeni, qiell, terrin tuaj e dritën tuaj e cirkat prej qielli të bien e të
thyhen mbi pullaze. e ti, shtegto, si Virgjëra e fisme kah perëndimi madhështor
i planetëve, o hëna e bardhë e plotë, e heshtur si Betlehemi.
Marrë nga
‘Natale in poesia’, Antologia dal IV al XX secolo, Novara, 2006. fq 140