Գահիրէի Գալուստեան Վարժարանը Փակ Կը Մնայ Երկրի Մէջ Տիրող Իրավիճակին Պատճառով ։
Մօտաւորապէս մէկ շաբաթ է, որ Եգիպտոսի քաղաքական անկայուն վիճակին պատճառով Գահիրէի Թահրիր
Հրապարակի տարածքին գտնուող Գալուստեան Ազգային Վարժարանը (հիմնադրուած 1854-ին) փակ
կը մնայ: «Դպրոցը անվնաս է,» ըսած է վարժարանի ժամանակաւոր տնօրէն Ասպետ Արթինեան, «սակայն
վերաբացման ժամանակը անյայտ է»։ Ինչպէս ծանօթ է Նոյեմբեր 19էն ի վեր, հազարաւոր
եգիպտացիներ դարձեալ սկսան հաւաքուիլ Թահրիր Հրապարակի վրայ, պահանջելու համար ներկայ
Իշխող ՝ Զինեալ Ուժերու Գերագոյն Խորհուրդէն որ իշխանական լիազօրութիւնները անյապաղ փոխանցէ՝
քաղաքացիական կառավարութեան մը: