Në Sallën Pali VI në Vatikan, Orkestra Sinfonike e Principatës së Asturies dha një
koncert në praninë e Papës Benedikti XVI. U ekzektuan pjesë nga Manuel de Falla, Isaac
Albéniz, Richard Strauss dhe Nicolaj Rimsikj-Korsakov. Koncerti u bë nën patronazhin
e Fondacionit Maria Cristina Masaveu Peterson, i cili ka për qëllim promovimin, përhapjen,
ruajtjen dhe restaurimin e Trashëgimisë Historike Spanjolle në fushën e muzikës e
të artit në përgjithësi. Gjithashtu, Fondacioni, i themeluar në vitin 2006, kujdeset
edhe për formimin profesional të të rinjve dhe merret me punë kërkimore-shkencore
në fushën e prodhimit e të përdorimit të çimentos.