Шатландыя: павялічваецца агрэсія супраць хрысціянаў
Католікі ў Шатландыі
асабліва часта падвяргаюцца нападкам з-за сваёй веры. Пра гэта заявіў біскуп Філіп
Тарталья, старшыня камісіі па камунікацыях біскупскай канферэнцыі Шатландыі. “Гэта
вельмі трывожны знак”, - гаворыцца ў заяве, прычынай якой сталі апошнія дадзеныя,
апублікаваныя ўрадам на тэму расізму па рэлігійным прызнаку. “Хоць католікі складаюць
16% насельніцтва, амаль 60% выпадкаў агрэсіі скіравана менавіта супраць католікаў,
што аказвае негатыўны ўплыў на сучасную Шатландыю і дэманструе сістэмнасць у варожым
стаўленні да іх”. У заяве гаворыцца, што ўзровень нападкаў асягнуў небяспечнага ўзроўню.
“Неабходна вялікая мабілізацыя Касцёла і дзяржаўных уладаў для выкаранення рэлігійнай
нецярпімасці”.
Збор дадзеных вяло Упраўленне публічнага абвінавачвання Шатландыі
і выявіла 693 выпадкаў насілля па рэлігійным матыве – самы высокі узровень за чатыры
апошнія гады. Інцыдэнты ў 95% выпадкаў тычыліся маладых людзей ад 16 да 30 гадоў,
і мелі месца, галоўным чынам, у Заходняй Шатландыі. Больш за палову актаў агрэсіі
адбылося ў Глазга.