Папа прыняў на аўдыенцыі дэлегацыю каталіцкіх і праваслаўных іерархаў
23 лістапада Бэнэдыкт
XVI прыняў на аўдыенцыі змешаную дэлегацыю каталіцкіх і праваслаўных іерархаў, якія
прымалі ўдзел у ІІ Еўрапейскім каталіцка-праваслаўным форуме на тэму “Адносіны паміж
Касцёлам і дзяржавай”. Мерапрыемства праходзіла 18-22 кастрычніка 2010 г. на грэцкім
Родасе. Сярод удзельнікаў дэлегацыі быў таксама Мітрапаліт Мінска-Магілёўскі Тадэвуш
Кандрусевіч. Падчас сустрэчы са Святым Айцом іерархі ўручылі Папе спецыяльнае выданне
“Матэрыялаў форума”.
“Сустрэча з Пантыфікам падцвярджае ўзаемнае жаданне Каталіцкага
Касцёла і Праваслаўных Цэркваў у Еўропе працягваць супольную працу для сведчання Евангелля
Хрыста і спрыяння большаму знаёмству і павазе да каштоўнасцяў, што хрысціянства нясе
Еўропе, прасякнутай секулярызмам і знаходзіцца ў пошуку сваёй ідэнтычнасці”, - сказаў
падчас сустрэчы з Бэнэдыктам XVI старшыня Рады Біскупскіх Канферэнцый Еўропы кардынал
Пэтэр Эрдо.
Мітрапаліт Сасімскі Генадзіос, прадстаўнік Канстантынопальскага
Патрыярхата, адзначыў, што галоўнай задачай каталіцка-праваслаўнага форума, было разважанне
над антрапалагічнымі пытаннямі вялікай важнасці для будучыні ўсяго чалавецтва. “Мэта
форума – дапамагчы акрэсліць супольныя пазіцыі у сацыяльных і маральных пытаннях.
Так мы можам убачыць нашу блізкасць у гэтых сферах”, - сказаў іерарх.
На аўдыенцыі
ў Бэнэдыкта XVI прысутнічаў таксама Мітрапаліт Валакаламскі Іларыён, які перадаў Папе
прывітанне ад Патрыярха Маскоўскага і усяе Русі Кірыла.
Еўрапейскія каталіцка-праваслаўныя
форумы праходзілі ужо два разы: у 2009 г. у Трэнта і ў 2010 г. на грэцкім востраве
Родас. Наступнае мерапрыемства пройдзе ў 2012 г. у Лісабоне.