Vdekja e tre vëllezërve kapuçinë dhe e një laiku në Tanzani, shprehje e re e impenjimit
misionar në botë.
Zi në botën misionare kapuçine, për vdekjen e tre sivëllezërve dhe të një vullnetari:
Atë Luçiano Bafigji, 64 vjeç, provinçal i Toskanës; atë Korrado Triveli, 77 vjeç;
atë Silverio Geli, 73 vjeç dhe vullnetari laik, Andre Ferri, 30 vjeç. Të katërt gjetën
vdekjen gjatë një aksidenti rrugor në Dar es Salam, kryeqytet i Tanzanisë, ku po vizitonin
misionet. Lajm dramatik, sepse bashkësia e kapuçinëve toskanë, që shquhet për misionet
e shumta në Tanzani, humbi jo vetëm provinçalin e vet, por edhe tre misionarë të vërtetë.
Të katërt po udhëtonin të ngarkuar me ndihma të reja për popullsinë vendase. E pasi
patën predikuar gjithmonë dashurinë për Krishtin, deri në flijim, e dhuruan edhe jetën
në trojet e largëta të Afrikës, duke ndihmuar më të varfërit, më të harruarit, më
të përjashtuarit nga radhët e shoqërisë.