Në Egjipt, sheshet sfidojnë ushtarakët

Një milion vetë mbushën sot sheshin Tahrir në Kajro të Egjiptit, pas ndeshjeve, që shkaktuan 28 viktima, vetëm sipas burimeve zyrtare, e një të plagosur çdo 5 sekonda. Populli kërkon kalimin e pushtetit nga duart e ushtarakëve në ato të civilëve. Edhe dy gjeneralë janë përzierë me turmën, në mbështetje të protestave. Në manifestim nuk merr pjesë partia e “Vëllezërve Myslimanë”, e cila është shprehur për dialog me juntën ushtarake, që nuk e ka pranuar dorëheqjen e qeverisë aktuale. Ndoshta, Mohamed El Baradei, eksperti i njohur i Agjensisë për Energjinë Atomike, mund të emërohet kryeministër i ri.