Konsultim për pajtimin e paqen në Benin, pas vizitës së Papës
Ka filluar dje e do të përfundojë më 24 nëntor, konsultimi mbi pajtimin, drejtësinë
dhe paqen në Kotonu të Beninit, organizuar menjëherë pas udhëtimit të Papës Benedikti
XVI në vendin afrikan, nga Simpoziumi i Konferencave Ipeshkvnore të Afrikës e të Madagaskarit.
“Afrikë, ngrihu e ec”, motoja e Atit të Shenjtë e thirrja, që ai u drejtoi afrikanëve,
është në qendër të këtij takimi, gjatë të cilit do të përcaktohet një strategji e
përbashkët për shpërndarjen dhe zbatimin e dokumentit përfundimtar të Sinodit të dytë
për Afrikën.