18 лістапада арцыбіскуп
Клаўдыё Гуджэроцці, Апостальскі нунцый у Беларусі, упершыню наведаў Міждыяцэзіяльную
вышэйшую духоўную семінарыю імя св. Тамаша Аквінскага ў Пінску.
Падчас візіту
арцыбіскуп сустрэўся з кіраўнікамі і выкладчыкамі семінарыі, а таксама з клерыкамі,
якія тут вучацца. У сваёй прамове да прысутных арцыбіскуп Гуджэроцці звярнуў увагу
на місійны аспект дзейнасці Касцёла і асаблівасці святарскай фармацыі. “Калі Касцёл
перастае быць місійным — ён памірае”, - падкрэсліў іерарх. Гаворачы аб тэме паклікання,
Апостальскі нунцый нагадаў, што “канчатковай мэтай святара з’яўляецца любоў да Езуса”.
Апостальскі
нунцый у Беларусі ўзначаліў урачыстую св. Імшу, у якой прыняў удзел таксама арцыбіскуп
Тадэвуш Кандрусевіч і ўся семінарыйная супольнаць. У гаміліі арцыбіскуп Гуджэроцці
параўнаў чалавека са святыняй, якую нельга зневажаць, але наадварот — трэба шанаваць
і любіць.