Thirrje e Papës nga Benini: Afrika është kontinent i shpresës, mos ua cungoni të ardhmen
popujve,që kërkojnë lirinë!
“Afrika është kontinent i shpresës”: kështu u shpreh Papa në fillim të ditës së dytë
të shtegtimit apostolik në Benin, gjatë takimit me liderët politikë e fetarë të vendit,
në Pallatin presidencial të Kotonusë. Duke nënvizuar se gjatë muajve të fundit shumë
popuj po e shprehin haptazi dëshirën e tyre për liri, Benedikti XVI u bëri thirrje
të gjithë politikanëve dhe ekonomistëve të vendeve afrikane, si dhe të mbarë botës,
të luftojnë kundër shkandujve e të mos i lënë popujt e tyre pa shpresa.
Të flasësh
për shpresë, do të thotë të flasësh për ardhmëri e, prej këndej, për Zotin: ky është
një nga fragmentet e fjalimit, që Benedikti XVI u drejtoi institucioneve politike
e fetare të Beninit, duke u përqendruar krejtësisht tek shpresa, fjalë kyçe e gjithë
këtij shtegtimi apostolik: “Lorsque je dis que l’Afrique est le continent… Kur
them se Afrika është kontinent i shpresës, nënvizoi, nuk bëj retorikë; por shpreh
thjeshtë një bindje personale, që është edhe e Kishës”. Tërhoqi, kështu, vëmendjen
tek paragjykimet e pamjet, që paraqesin anët më negative të Afrikës, fryt i analizave
pesimiste, të cilat e shikojnë Kontinentin si rezervë vigane, që duhet shfrytëzuar
vetëm për interesat e pasanikëve. Këtë shpjegoi Papa, i cili më pas kujtoi edhe lëvizjet
për liri, që po ia ndryshojnë historinë shumë vendeve, edhe afrikane: “Ces
derniers mois, de nombreux peuples ont… Në këto muajtë e fundit shumë popuj
kanë shprehur dëshirën për liri, nevojën për siguri materiale, vullnetin për të jetuar
në harmoni, pavarësisht nga ndryshimet e etnive dhe të feve”. Papa kujtoi edhe
konfliktet, të cilat lindin nga verbimi i njeriut, nga dëshira e tij e shfrenuar për
pushtet, nga interesat politiko-ekonomike, që e përjashtojnë fare dinjitetin e personit
e të natyrës. Ripohoi me forcë se njeriu e do lirinë, se dëshiron të respektohet,
të drejtohet nga njerëz, që nuk i ngatërrojnë interesat private me ato tëpërgjithshme.
Me pak, fjalë, njeriu do paqe e drejtësi: “En ce moment, il ya trop de scandales… Në
këtë çast vërehen shumë shkanduj e padrejtësi, ka tepër korrupsion e etje për pasje,
tepër poshtërim e gënjeshtra, tepër dhunë e luftë, që çojnë në mjerim e në vdekje”. “Ne
privez pas vos peuples de l’espérance… Mos i lini popujt tuaj pa shpresë!
Mos ua cungoni ardhmërinë, duke ua gjymtuar të sotmen. Përpiquni t’i zgjidhni me frymë
etike e me guxim detyrat tuaja e, në se jeni besimtarë, luteni Zotin t’ju japë hirin
e urtisë. Kjo urti do t’ju ndihmojë të kuptoni se, si prijës të popujve tuaj drejt
së ardhmes, duhet të bëheni shërbëtorë të vërtetë të shpresës. Nuk është aspak e lehtë
të jetosh si shërbëtor, të mbetesh i njëjtë nëpër ndryshime, në mes të rrjedhës së
fortë të opinioneve e të interesave të furishme. Pushteti, sido që të jetë, të verbon
lehtësisht, sidomos kur vihen në lojë interesa private, familjare, etnike ose fetare.
Vetëm Zoti i pastron zemrat e ndjetet! “L’Eglise n’apporte aucune solution
tecquinque… Kisha nuk ofron rrugëzgjidhje teknike, as nuk imponon rrugëzgjidhje
politike, por sjell mesazhin e shpresës, të një shprese plot energji. Është shpresa,
që vjen nga Zoti, nga vetëdija se njerëzimi nuk është vetëm, përballë sfidave të
botës”. Shpresa është bashkim, ndërsa individualizmi, dëshpërim, tha akoma Papa,
duke theksuar edhe një herë se asnjë fe e asnjë kulturë nuk mund ta përligjë intolerancën
e dhunën. Në përfundim të takimit me shoqërinë civile beninase, Papa u takua privatisht
me presidentin e Republikës, Thomas Yayi Boni.