Presidenti i Republikës së Beninit: Thomas Yayi Boni.
President i Republikës së Beninit është zoti Thomas Yayi Boni, lindur në vitin 1952
në Tchaourou, në departamentin e Borgou-s (Benini verior), asokohe koloni franceze,
me emrin Dahomey. Studioi ekonomi në Universitetin Shtetëror të Beninit; financë,
në Universitetin Cheikh Anta Diop të Dakarit (Senegal); ekonomi politike në Universitetin
e Orléans (Francë) dhe në Universitetin e Parisit, ku, në vitin 1976, mori doktoraten
në ekonomi. Nga viti 1980, deri në vitin 1992, punoi në Bankën Qendrore të Shteteve
të Afrikës Perëndimore, në Dakar, duke u bërë zevendës-drejtor e pastaj, zevendës-drejtor
për zhvillimin profesional në “Centre Ouest Africain de Formation et d’Etudes Bancaires”,
në Dakar. Nga viti 1992, deri në vitin 1994, ishte përgjegjës i politikës monetare
e bankare në zyrën e Presidenti të Beninit, Nicéphore Soglo. Në vitin 1994 u emërua
President i “Banque Ouest Africaine de Développement”. Është Kalorës Nderi i Urdhërit
Kombëtar të Republikës Franceze dhe President i vendit, që nga 6 prilli i vitit 2006,
pasi fitoi zgjedhjet e marsit të të njëjtit vit, si dhe ato të prillit të vitit 2011.