Візіт Папы ў Бенін – даніна памяці ахвярнасці місіянераў
Як паведаміў інфармацыйнаму
агенству “Fides” навуковы каардынатар даследаванняў па гісторыі і духоўнасці Таварыства
Афрыканскіх Місій кс. Рэнцо Мандзірола, апостальскае падарожжа Бэнэдыкта XVІ у Бенін,
з’яўляецца данінай памяці ахвярнасці шматлікіх місіянераў, якія неслі і нясуць Евангелле
на Чорны кантынент. Менавіта Бенін стаў 150 гадоў таму цэнтрам, адкуль распаўсюдзіліся
промні Евангелізацыі на суседнія краіны: Нігерыю, Гану, Тога, Бераг Слановай Косці
і Камерун.
Кс. Мандзірола адзначае, што падарожжа Папы ў Бенін прызнае таксама
вялікую ролю першай ў Афрыцы каталіцкай семінарыі, праца якой дала магчымасць сфарміраваць
на кантыненце мясцовую іерархію.
Бэнэдыкт XVІ будзе маліцца ля гробу свайго
сябра кардынала Ганцін, першага афрыканца, які адыграў важную ролю ў працы Рымскай
Курыі. Святы Айцец, па словах кс. Мандзіролы, быў асабліва прывязаны да памерлага;
яны разам былі далучаны да кардынальскай калегіі.