Ватыкан: Касцёл у Беларусі адраджаўся часта пры падтрымцы Праваслаўнай Царквы
Папская рада спрыяння
хрысціянскаму адзінству апублікавала спецыяльнае паведамленне ў сувязі з заканчэннем
візіта ў Беларусь кардынала Курта Коха, старшыні гэтай ватыканскай дыкастэрыі.
У
дакуменце адзначаецца, што іерарх прыбываў у Мінску па запрашэнні Мітрапаліта Мінскага
і Слуцкага Філарэта, Патрыяршага Экзарха ўсяе Беларусі, для ўдзелу ў канферэнцыі пад
назвай “Праваслаўна-каталіцкі дыялог: хрысціянскія этычныя каштоўнасці як уклад у
сацыяльнае жыццё Еўропы”. Падкрэсліваецца, што кардынал быў “цёпла і па-братэрску
прыняты Мітрапалітам Філарэтам”.
“Агульная атмасфера падчас сімпозіўма ў якім
прымаў удзел кардынал Кох, выклікала жаданне працягваць і паглыбляць дыялог на супольная
тэмы і супрацоўнічаць для спрыяння і абароны хрысціянскіх каштоўнасцяў у Еўропе”,
- гаворыцца ў дакуменце.
Акрамя таго, адзначаецца, што ватыканскі іерарх меў
магчымасць сустрэцца з Прэзідэнтам Беларусі Аляксандрам Лукашэнка, а таксама Міністрам
замежных спраў Беларусі і паслом Беларусі пры Апостальскай Сталіцы, для таго, каб
абмеркаваць некаторыя пытанні і супольныя праекты.
“Візіт старшыні Папскай
рады спрыяння хрысціянскаму адзінству ў Беларусь паказаў некаторыя вельмі каштоўныя
рысы: Каталіцкі Касцёл змог аднавіцца і рэарганізавацца пасля падзення Савецкага Саюза
і гэта адбылося ў гармоніі і часта пры падрымцы Праваслаўнай Царквы і дзяржаўных уладаў”,
- гаворыцца ў паведамленні. Акрамя таго, адзначаецца, што “Дух экуменічнага братэрства,
у краіне, якая была другой пасля Літвы па колькасці католікаў у Савецкім Саюзе, з
часам умацаваўся і стаў штодзённай рэальнасцю і мадэллю для наследвання”.