Հանրածանօթ ֆրանսացի Հաղորդավար՝ Միշել Տրիւգեր Պիտի Հովանաւորէ ՙՀայաստան՚ Համահայկական Հիմնադրամի Դրամահաւաքը ։

Նոյեմբեր 25ին տեղի պիտի ունենայ «Հայաստան» համահայկական հիմնադրամի 14րդ հեռուստամարաթոնը: Իսկ մինչ այդ Նոյեմբեր 17–20 տեղի պիտի ունենայ Եւրոպայի տարածքին կազմակերպուող «Ֆոնեթոն-2011»ը: Ինչպէս կը հաղորդէ անկախ լրագրող Ժան Էքեան, այս տարի «Ֆոնեթօն»ի հովանաւորներէն պիտի ըլլայ ֆրանսացի ամենայայտնի հեռուստահաղորդավարներէն մէկը` Միշել Տրիւգեր:
Տրիւգեր աշխարհահռչակ հայ շանսոնյէ Շառլ Ազնաւուրի մօտիկ ընկերն է: Լրագրողը կ'ընդգծէ, որ դեռ 2006ին Յունաստանի մէջ իրականացած «Եւրոտեսիլ» երգի միջազգային մրցոյթի ժամանակ, ան յայտարարած էր, թէ անհրաժեշտ է, որ օր մը թուրքերը ճանչնան Հայոց Ցեղասպանութիւնը,եւ թէ այդ առթիւ Թուրքերը շատ անհանգիստ եղած էին հաղորդավարի խօսքերէն՝Երգի Միջազգային Մրցոյթի մը Առթիւ.... ։
«Հայաստան» համահայկական հիմնադրամի 14րդ հեռուստամարաթոնը 12 ժամ շարունակ ուղիղ եթերով պիտի հեռարձակուի ԱՄՆ Լոս Անճելըս քաղաքէն` 24 Նոյեմբերին (Հայաստանի ժամով՝ երեկոյեան ժամը 8էն,մինչեւ առաւօտեան ժամը 8):
Հեռուստադիտողը ՝՝Հեռուստամարաթոնը՝՝ հնարաւորութիւն պիտի ունենայ դիտելու աշխարհի իւրաքանչիւր երկրէ:
Հայաստանի մէջ այս տարի եւս հեռուստամարաթոնը պիտի հեռարձակուի չորս` Հ1, Արմէնիա, Շանթ եւ Երկիր Մետիա հեռուստակայաններէն :