“1 студзеня ў ЗША
з’явіцца ардынарыят для былых англікан”, - расказаў падчас пленарнай сесіі амерыканскага
епіскапата, якая праходзіць у Балціморы, арцыбіскуп Вашынгтонскі кардынал Дональд
Вюрл. Іерарх адзначыў, што з просьбай аб прыняцці святарскіх пасвячэнняў у Каталіцкім
Касцёле звярнуліся 67 англіканскіх святароў, 35 з якіх ужо атрымалі папярэдні дазвол
Кангрэгацыі Веравучэння. Гэта азначае, што зараз яны могуць пачаць праходзіць другі
этап падрыхтоўкі, які прадугледжвае знаёмства з мінулым кандыдатаў да святарства,
праверку іх псіхічнага стану і прадстаўленне рэкамендацый кіраўніцтва Англіканскай
Царквы.
На сённяшні дзень адзінай у свеце структурай для былых англікан з’яўляецца
створаны 15 студзеня 2011 г. Персанальны ардынарыят Маці Божай Уолсінгемcкай на тэрыторыіі
Англіі і Уэльса. Таксама абмяркоўваецца магчымасць стварэння падобных структур у Аўстраліі
і Канадзе.