Папа прывітаў удзельнікаў “Падворку язычнікаў” у Тыране
15 лістапада Бэнэдыкт
XVI скіраваў пасланне да ўдзельнікаў сустрэчы, якая праходзіць у Тыране ў рамках ініцыятывы
“Падворак язычнікаў”. Папа адзначыў, што гэты форум з’яўляецца “цудоўнай магчымасцю
дыялога, сустрэчы і параўнання, для таго, каб разам ісці на шляху да праўды”. Пантыфік
прывітаў усіх удзельнікаў ініцыятывы і выказаў сваю блізкасць і ўвагу. Пасланне, скіраванае
на імя кардынала Джанфранко Равазі, старшыні Папскай рады па культуры, прачытаў сёння
Апостальскі нунцый у Албаніі арцыбіскуп Раміро Малінары Інглес падчас сустрэчы, якая
прайшла ў Тыранскім універсітэце.
Ініцыятыва “Падворак язычнікаў” нарадзілася
дзякуючы Бэнэдыкту XVI і рэалізуецца Папскай радай па культуры. Яе мэта заключаецца
ў спрыянні развіццю дыялога і культуры ўзаемнай павагі паміж веруючымі і няверуючымі.
14-15 лістапада сустрэча ў рамках гэтай ініцыятывы праходзіць у сталіцы Албаніі Тыране.