“Прысутнасць прадстаўнікоў
рэлігій у Палаце Лордаў з’яўляецца адным з самых яскравых сведчанняў адносін паміж
Царквой і дзяржавай”, - падкрэслілі ў сваім спецыяльным пасланні Архіепіскап Кентэрберыйскі
Роўэн Уільямс і Архіепіскап Ёркскі Джон Сэнтаму. Іерархі апублікавалі свой зварот
у сувязі са з’яўленнем праекта ўрада аб рэформе гэтай палаты англійскага парламента.
Сёння адной з функцый Палаты Лордаў з’яўляецца перагляд законапраектаў, які
не былі дастаткова ясна і дэтальна сфармуліраваны Палатай Абшчын. У Палату Лордаў
уваходзяць таксама рэлігійныя дзеячы, якія маюць тытул Духоўных Лордаў. Сярод іх –
прадстаўнікі пяці самых старажытных дыяцэзій краіны: Архіепіскап Кентэрберыйскі, Архіепіскап
Ёрскі, Епіскап Лонданскі, Епіскап Дарэмскі і Епіскап Вінчэстэрскі. У Палату Лордаў
уваходзяць больш за 700 членаў, сярод якіх 26 Духоўных Лордаў – прадстаўнікоў розных
рэлігійных супольнасцяў.
Рэформа, якую збіраецца правесці ўрад, заключаецца
ў тым, каб паменшыць колькаць лордаў да 300. Акрамя таго, прапануецца ўвесці выбарнасць
80% лордаў, замест прызначэння каралевай, якое дзейнічае сёння. Што тычыцца рэлігійных
прадстаўнікоў, плануецца паменшыць іх колькасць з 26 да 12.
“Палата лордаў
павінна засталацца па сваёй сутнасці органам, які будзе кантраляваць прыняцце законаў”,
- гаворыцца ў звароце іерархаў. Акрамя таго, звяртаецца ўвага на неабходнасць больш
шырокага прадстаўніцтва грамадзянскай супольнасці ў парламенце Вялікабрытаніі. Біскупы
заклікаюць захаваць прадстаўніцтва ў парламенце ўсіх англіканскіх епіскапаў і іншых
рэлігійных лідэраў.