Այսօր Երանելի հռչակուեցաւ Գարլ Լամբէրդ քահանան որ Նացիական Զինուորական Ատեանի կողմէ
մահուան կը դատապարտուէր,ու կը սպաննուէր 13 Նոյեմբեր 1944ին՝ արտասանելով Յիսուսի ու
Մարիամի անունները։ ։ Ան ծնած էր 1896ին Վորալպերկ (Աւստրիա)։ Լիկէոնի ուսման աւարտին
կ՝արձանագրուի Պրեսսանոնի Աստուածաբանութեան ֆաքիւլթէն ,եւ 1918ին քահանայ կը ձեռնադրուի
Պրեսսանոնէյի մէջ։ 1935ին Հռոմի մէջ կատարած Եկեղեցական Կանոնագիտութեան դասընթացքի
աւարտին կ՝անուանուի տնօրէն՝ ֆելտքիրշ-ի Առաքելական Վարչութեան Եկեղեցական Ատեանին։
Իսկ 1939ին կը դառնայ Ինսպրուքի Աթոիռակալի օգնականը։ Գարլ Լամբերդ դէմ ելած է Նացիական
ազգային ընկերվարական քաղաքականութեան, հարցեր ունենալով Ինսպրուք Մարզի Նացիական Վարչակազմի
հետ։ Ան ձերբակալուած է բազմաթիւ անգամներ տարուելով Տախաուի եւ Սախսէնհաուզէն-ի
կեդրոնացման ճամբարները։ 1941ին ազատ արձակուելով կը հաստատուի Ըսթէթթինօ շարունակելով
սակայն իր քննադատութիւնները Նացիական Վարչակարգի նկատմամբ,առանց գիտակցելու թէ իր բոլոր
գործունէութիւնները,բարեկամութիւնները եւ նոյնիսկ հեռաձայնները Կէսթափոյի հսկողութեան
ներքեւ կը գտնուէին ։ Այսպէս Հայր Լամբէրթ դարձեալ կը ձերբակալուի 1943ի Փետրուարին,Կէսթափոն
ոչ միայն զինք կ՝ամբաստանէ Հրեաներու պաշտպանութեամբը, այլ կ՝ամբաստանէ նաեւ լրտեսութեամբ։
Նացիական Զինուորական Ատեանը Լամբերթ քահանան մահուան դատապարտեց 8 Սեպտեմբեր 1944ին,
իսկ մահապատիժը գործադրուեցաւ 1944ի՝ 13 Նոյեմբերին։ Երանելի Գարլ Լամբերթ մեռաւ
արտասանելով Յիսուսի ու Մարիամի անունները։