Սրբազան Քահանայպետին Պատգամը Էգուատորի Ընտանիքի Նուիրուած Ազգային Երկրորդ Համագումարին։ <<Ընտանիքը
անհատական իրողութիւն մը չէ>>
Էգուատորի մէջ 12 նոյեմբերին նշուած Ընտանիքի Ազգային Երկրորդ Համագումարի առթիւ, Պենետիկտոս
ԺԶ Քահանայապետը պատգամ մը ուղղած է որուն մէջ հաստատած է թէ <<Ընտանիքը որ պտուղն է
այր ու կնոջ միջեւ սիրոյ դաշինքի մը՝ անհատական իրողութիւն մը չէ>>։ Նորին Սրբութիւնը
ապա աւելցուցած է որ ընտանիքը <<սքանչելի եւ վճռական ծառայութիւն կը մատուցէ համայն ընկերութեան,
բարիքին ու եկեղեցւոյ առաքելութեան ի նպաստ։ Սրբազան Քահանայապետը ապա մատնանշած
թէ՝ անգործութիւնը ու գործի անկայունութիւնը դէմ են մարդկային արժանապատութեան ու ասոնց
հետեւանքով է որ կը տիրէ աղքատութիւնը եւ անարդարութիւնը եւ որոնք մարդիկը կը մատնեն
յուսահատութեան ու պատճառ կը դառնան ոճիրներու եւ բռնութիւններու ինչպէս նաեւ անձնականութեան
տագնապներու։ Սրբազան Հայրը ուստի կը յորդորէ լուծում գտնել , ու սատարել գործ հայթայթելու
որը ըլլայ ՜՜արժանավայել, կայուն եւ լաւ վարձատրուած՝ նաեւ ատակ ըլլայ սրբացնելու մարդը
եւ սատարելու ընկերութեան զարգացումին՝՝։