Egjipt: ligj i përbashkët për koptët dhe myslimanët lidhur me ngritjen e ndërtesave
të kultit.
Paraqitja e propozimit të një ligji të përbashkët për të krishterët e myslimanët lidhur
me ngritjen e ndërtesave të kultit, kundër tymnajës së rregullave imponuar nga Këshilli
i lartë i ushtarakëve. Ky ishte qëllimi i takimit të përfaqësuesve të Kishës kopte
ortodokse dhe të Universitetit islamik të Al- Azhar, organizuar këto ditë. Sipas burimeve
të së përditshmes egjiptiane AlMasry-Alyoum, propozimi për këtë ligj do t’u krijonte
koptëve mundësinë të rregullojnë gjendjen e të gjitha ndërtesave që i përdorin sot
për lutje, ndërtuar edhe pa lejen e qeverisë. Projekt-ligji për këtë normalizim vijon
të jetë edhe sot e kësaj dite në fazën e miratimit, por shumëkush e shikon si të papërshtatshëm
e të dyshimtë. E kjo, sepse u jep qeverive lokale të drejtën ta miratojnë, ose jo,
ngritjen e ndërtesave të kultit, të cilat duhet të jenë të paktën 1000 metra katrore
e më se 500 metra katrore larg nga njëra–tjetra. Gjithsesi autoritetet vendase,
posaçërisht ato të Egjiptit të Epërm, i dënojnë bashkësitë e krishtera, sepse përmasat
e kishave të ndërtuara nuk i kalojnë 200 metrat katrore. Në tetor Këshilli egjiptian
për të drejtat e njeriut hartoi një kundërpropozim, për t’i zhdukur një herë e mirë
kufizime të tilla. Problem tjetër serioz ëshë ai i caktimit të trojeve për ndërtimin
e kishave ose të xhamive, gjë që rrezikon ndezjen e konflikteve të reja në gjirin
e popullsisë së shumë fshtarave. Pavarësiht nga kritikat – kujton agjencia AziaNjuz
- rregullat e reja për vendet e lutjes u paraqitën si fryti i parë i “Revolucionit
të jaseminëve”, si dhe të Egjiptit, që po lind, pas Mubarakut. I propozuar më 2 qershorin
e kaluar, ligji lindi për të zhdukur rregullat burokratike, të cilat për dhjetra vjet
i penguan të krishterët të ndërtojnë kisha të reja, ndërmjet të cilave, edhe detyrimi
që të kërkonin autorizim nga presidenti i republikës ose nga kryeministri. Edhe sot
e kësaj dite, shumë kantiere janë të bllokuara nga bashkësitë myslimane, ndonëse është
nxjerrë autorizimi nga pushtetarët e lartë. Rasti i fundit është ai i 1 tetorit të
kaluar në provincën Assvan (Egjipti i Epërm), ku qindra myslimanë, të kryesuar nga
kryeqeveritari vendas, i kallën zjarrin një kishe. E nga ndërtesa e kultit, zjarri
u përhap ndër zemrat e besimtarëve, duke shkaktuar protestat e 9 tetorit të kaluar,
organizuar nga bashkësia kopte në Kairo, paguar me jetën e 27 personave dhe me plagosjen
e 200 të tjerëve.