Հայ Ժողովուրդի Մեծ Բարեկամ Նանսէնի Արձանը՝ Աբովեան-Մոսկովեան Խաչմերուկին Վրայ։
Անուանի բեւեռախոյզ, գիտնական,եւ հայ ժողովուրդի մեծ բարեկամ Ֆրիտէոֆ Նանսէնի ծննդեան
150ամեակին նուիրուած ձեռնարկները ամփոփուեցան այսօր Նոյեմբեր 9ին: Տօնական հանդիսութիւնները
սկիզբ առին առաւօտեան, երբ Աբովեան-Մոսկովեան փողոցներու անկիւնը տեղադրուեցաւ մեծ
մարդասէրի յուշարձանը,ի ներկայութեան նաեւ Նորվեկիոյ Արտաքին Գործոց Նախարար Եոնաս Կահր
Շթէորէ-ի: Այնուհետեւ Ալեքսանդր Սպենդիարեանի անուան օփերայի եւ պալէյի ազգային ակադեմիական
թատրոնի նախասրահին մէջ բացումը կատարուեցաւ լուսանկարներու եւ գիրքերու ցուցահանդէսին
, որ հնարաւորութիւն պիտի տայ այցելուներուն ծանօթնալու հազարաւոր հայերու կեանք փրկած
եւ “հայ” բառը շուրթերուն՝ կեանքէ հեռացած խաղաղութեան դեսպանի կենսագրութեան մանրամասնութիւններու
մասին: Իսկ երեկոյան տեղի պիտի ունենայ տօնական համերգ մը , որուն ընթացքին պիտի հնչեն
Հայ եւ Նորվեկացի երգահաններու ստեղծագործութիւնները: