Прадстаўнік Апостальскай Сталіцы: будаваць мір праз сям’ю, школу і горад
На думку кс. прэлата
Франчэско Фоло, пастаяннага назіральніка Апостальскай Сталіцы пры ЮНЕСКА, “культура
спрыяе сустрэчы, дыялогу і адпаведна міру”. Аб гэтым прадстаўнік Каталіцкага Касцёла
заявіў падчас свайго выступлення на сесіі Рады арганізацыі, якая прайшла ў Парыжы.
Кс.
Фоло назваў сям’ю, школу і горад асноўнымі “маленькімі супольнасцямі”, з якіх трэба
пачынаць у будаванні цывілізацыі супакою. Святар нагадаў аб сувязі, якая існуе паміж
адукацыяй і мірам. “Міра можна дасягнуць пачынаючы з сям’і, школы і горада, “маленькіх
супольнасцяў” у якіх можна знайсці мадэлі навучання”, - сказаў дыпламат.
На
думку святара, ў сям’і чалавек пачынае вучыцца быць чалавечным, у школе, акрамя ведаў
вучыцца сацыяльным адносінам, і нарэшце ў “горадзе”, вёсцы ці ўсёй краіне, месцы дзе
сустракаюцца “добрыя манеры і гвалт, багацце і беднасць”, неабходна дзейнічаць, каб
зрабіць іх па-сапраўднымі чалавечымі. “Іншымі словамі, каб супольнасць людзей, якая
іх складае разумела неабходнасць будаваць сваё жыццё на пазітыўных прынцыпах, якія
паходзяць з розных культур і вядуць да культуры міра, што пераўзыходзіць усе формы
гвалту”, - сказаў кс. прэлат Франчэско Фоло.
“Будаванне міра праз сям’ю, школу
і горад, можа прывесці да культуры супакою, якая будзе спрыяць гарманічнаму суіснаванню
паміж народамі”, - адзначыў пастаянны назіральнік Апостальскай Сталіцы пры ЮНЕСКА.