Վարչապետ Տիգրան Սարգսեան կը մեկնի Պրիւքսէլ,իսկ Վաղը Հայաստան Կը Ժամանէ Իրանի Արտգործնախարարը։

Վարչապետ Տիգրան Սարգսեան այսօր նոյեմբեր 7-ը երկօրեայ աշխատանքային այցով գնաց Պրիւքսէլ : Վարչապետը երեկոյան կը մասնակցի ՝՝Euro Crisis՝՝ խորագրով Եւրոպայի ժողովրդական կուսակցութեան Խորհրդաժողովին,իսկ նոյեմբեր 8-ին Եւրոպական Խորհրդարանին մէջ Տիգրան Սարգսեան կը մասնակցի ԵԺԿ(Եւրոպայի Ժողովրդական Կուսակցութեան) քաղաքական վեհաժողովին եւ հանդիպում կունենայ Հայաստանի Եւրոպական Բարեկամները կազմակերպութեան ներկայացուցիչներուն հետ: Վարչապետի գլխաւորած կառավարական Պատուիրակութեան կազմին մէջ են ՀՀ Կառավարութեան աշխատակազմի ղեկավար Դավիթ Սարգսեանը, ՀՀ Կրթութեան եւ Գիտութեան նախարար Արմեն Աշոտեանը, ՀՀ Ազգային ժողովի Հանրապետական խմբակցութեան պատգամավոր Արտակ Զաքարեանը եւ այլ պաշտօնատար անձեր:
Միւս կողմէ ԱԳ նախարար Էդուարդ Նալպանտեանի հրաւէրով վաղը Հայաստան կը ժամանէ Իրանի արտգործնախարար Ալի Աքպար Սալեհի: Այցի ընթացքին Իրանի արտգործնախարարը պիտի տեսակցի ՝ նախագահ Սերժ Սարգսեանի հետ :
Երեւանի մէջ Իրանի ԱԳ նախարարը հանդիպումներ կ'ունենայ նաեւ Ազգային ժողովի նախագահ Յովիկ Աբրահամեանի, արտաքին գործերոց նախարար Էդուարդ Նալպանտեանի եւ Ուժանիւթի եւ Բնական պաշարներու նախարար Արմէն Մովսիսեանի հետ: