Ватыканскі кардынал: Медыя змяншаюць колькасць святарскіх пакліканняў
Скарачэнне колькасці
новых святароў у многіх заходніх краінах, на думку адказнага за падрыхтоўку духавенства
ў Рымскай курыі кардынала Зянона Грахалеўскага, з’яўляецца вынікам негатыўнага ўплыву
некаторых сродкаў масавай інфармацыі. Гэта падсілкоўваецца крытыкай Каталіцкага Касцёла
і яго святароў, адзначыў іерарх у інтэрв’ю “L'Osservatore Romano”. Дамінуючая роля
СМІ, пачаўшы з газет і скончыўшы на тэлебачанні і Інтэрнэце, не пакідае месца на цішыню,
медытацыю і малітву.
Іншымі прычынамі змяншэння колькасці кандыдатаў да святарства
ў заходніх краінах Прэфект Кангрэгацыі Каталіцкай Адукацыі назваў секулярызаванае
асяроддзе і адсутнасць належнай працы па пошуку пакліканняў. Іерарх адзначыў, што
не гледзячы на складаную сітуацыю ў Заходняй Еўропе, колькасць кандыдатаў да святарства
ў свеце расце.
Кардынал Грахалеўскі выступіў з дакладам на міжнароднай канферэнцыі
па святарскіх пакліканнях, якая завяршылася ў суботу ў Рыме. Нагодай для форуму стала
стварэнне 70 гадоў таму папам Піем XII Папскай арганізацыі па святарскіх пакліканнях.