Былы нунцый у Беніне: візіт Папы дасць Касцёлу новы імпульс
18-20 лістапада 2011
г. папа Бэнэдыкт ХVI наведае афрыканскую краіну Бенін. З гэтай нагоды ватыканскае
выдавецтва “Libreria Editrice Vaticana” апублікавала на французскай мове кнігу пад
назвай: “Бенін і Апостальская Сталіца”, прэзентацыя якой прайшла ў сядзібе Ватыканскага
радыё. У сустрэчы прыняў удзел арцыбіскуп Бэртэлло, кіраўнік Губернатарата Дзяржавы
Ватыкан, які ў 80-х гадах мінулага стагоддзя быў Апостальскім Нунцыем у Беніне. У
інтэрв’ю нашаму радыё іерарх распавёў аб сітуацыі, якая існавала ў Беніне, падчас
яго працы там.
“Я меў выключную магчымасць знаходзіцца ў гэтай краіне у гістарычны
момант для яе, калі была створана так званая “Нацыянальная Канферэнцыя”, у склад якой
увайшлі прадстаўнікі ўсіх палітычных і культурных асяроддзяў краіны. Яны намагаліся
знайсці шляхі выхаду з цяжкай сітуацыі пасля грамадзянскай вайны.”, - узгадаў іерарх.
“Спачатку
Бенін меў перыяд марксісцка-ленінскай дыктатуры, якая не толькі парушала правы чалавека,
але і прывяла краіну да сапраўднага голаду. Калі б Прэзідэнт Кэрэку не адкрыўся на
новую палітыку, калі б не зацвердзіў іншай палітыкі ў галіне правоў чалавека, не атрымаў
бы міжнароднай дапамогі. “Нацыянальная Канфрэнцыя” такім чынам дала пачатак зменам
у жыцці краіны, якія Бенін рэалізуе з 1972 г.”.
Арцыбіскуп Бэртэлло выказаў
спадзяванне, што другі візіт папы Бэнэдыкта ХVI у Афрыку дасць магчымасць Беніну ажывіць
сваю веру і дазволіць Касцёлу адчуць моцны місійны запал у абвяшчэнні Евангелля, не
толькі ў сваёй краіне, але таксама за яе межамі.