Հնդկաստանին Մէջ Զետեղուած Է Երանելի Յովհաննէս Պօղոս Բ Քահանայապետի Առաջին Արձանը։
Հնդկաստանին Պենկալոր թեմը առաջինը եղաւ որ իր հողին վրայ բարձրացուց երանելի Յովհաննէս
Պօղոս Բ Քահանայապետին արձանը։ Պրոնզէ արձանը` պատրաստուած Պանքոկի մէջ, 2,06 մեթր
բարձրութիւն ունի եւ կը կշռէ 375 քիլօ։ Օրհնութեան արարողութիւնը գլխաւորեց Պենկալորի
առաջնորդը, ներկայութեամբ 13 եպիսկոպոսներու եւ Հնդկաստանի առաքելական դեսպան` գերապայծառ
Բեննագիոյի։ Իր արտասանած քարոզին մէջ առաքելական դեսպանը յոյս յայտնեց որ երանելի Յովհաննէս
Պօղոս Բ շուտով սրբադասուի։ Ան յիշեցուց որ Քահանայապետը երկու անգամ այցելած է Հնդկաստանը
1986ին եւ 1999-ին։ Վերակոչելով երանելի Յովհաննէս Պօղոս Բ-ի նշանաւոր խօսքը ''մի վախնաք''ը,
դեսպանը քաջալերեց Հնդկաստանը եւ անոր բնակչութիւնը որ չվախնան ընդունելու Քրիստոսը իրենց
կեանքին մէջ։