18-20 лістапада 2011
года папа Бэнэдыкт ХVI наведае Бенін. Візіт Святога Айца прымеркаваны да 150-гадовага
юбілею евангелізацыі гэтай афрыкаснкай краіны. Спецыяльна да гэтага візіту будзе таксама
выпушчана адгартацыя Пантыфіка, плён працы Сіноду афрыканскіх біскупаў, які праходзіў
ў Ватыкане ў кастрычніку 2009 года.
Як расказаў Ватыканскаму радыё кс. Марэк
Пагажэльскі, бенінскія СМІ шмат пішуць аб падарожжы Папы у іх краіну. “Жыхары свядомыя
таго, што Бэнэдыкт ХVI прыбывае да іх з пасланнем для цэлай Афрыкі. Яны з нецярплівасцю
чакаюць на паслясінадальную адгартацыю, якую Пантыфік перадасць прадстаўнікам усіх
епіскапскіх канферэнцый Афрыкі. Вельмі часта можна пачуць словы, што Папа прыбывае
ў Бенін як той. хто ў імя Бога жадае несці ўсім жыхарам Арыфкі прымірэнне, справядлівасць
і супакой”, - сказаў кс. Марэк Пагажэльскі.
Візіт у Бенін з’яўляецца трэцім
апостальскім падарожжам папы Бэнэдыкта ХVI у Афрыку. Раней, у 2009 г. Святы Айцец
наведаў Камерун і Анголу.