Քահանայապետական Անուանում

Հինգշաբթի 3 նոյեմբեր 2011ին Պենետիկտոս ԺԶ Սրբազան Քահանայապետը Տոմինիքեան միաբանութեան անդամ՝ հայր Շարլ Մորէրոտը անուանեց որպէս Լոզանի եպիսկոպոս։ Հայր Շարլ Մորէրոտը մինչեւ օրս կը վարէր Սուրբ Թովմաս Ագուինացի անուան Քահանայապետական համալսարանի բարձրագոյն Րէկտորի պաշտօնը, ինչպէս նաեւ՝ ստանձնած էր միջազգային Աստուածաբանական յանձնախումբի ընդհանուր քարտուղարի պաշտօնը։
Տոմինիքեան միաբանը ծնած է Րիաց, 28 հոկտեմբեր 1961-ին։ Կուսակրօն Քահանայ ձեռնադրուած է 1988-ի ապրիլ 30ին ու ապա պաշտօնավարած՝ որպէս Աստուածաբանութեան դասատու ֆրիպուրկի ու Հռոմի տոմինիքեան միաբանութեան համալսարաններու մէջ։ Նշենք որ Հայր Շարլ Մորէտորը կը յաջորդէ գերապայծառ Պէրնարտ Ժէնուի, որ իր մահկանացուն կնքեց անցեալ տարի՝ 2010-ի սեպտեմբերին։