70 vjet më parë lindi Vepra Papnore për Thirrjet Meshtarake
Vepra Papnore për Thirrjet meshtarake përkujtoi 70-vjetorin e themelimit nga Papa
Piu XII, me një kuvend, që përfundoi. Tema: “Unë ju kam zgjedhur ju. Meshtarë për
kohën tonë”. Vepra u ngrit pranë Kongregatës së Seminareve dhe të Instituteve të Studimit,
e cila, përmes Kushtetutës Apostolike “Pastor Bonus” të vitit 1988, u kthye në Kongregatë
për Edukimin Katolik. Gjatë kuvendit u vunë në dukje mësimet e dala nga mesazhet e
Papëve për Ditën Botërore të Lutjes për Thirrjet Meshtarake, si edhe kontributi i
lëvizjes “Serra International” për nxitjen e jetës meshtarake. Më pas, dëshmi, lutje
e mbrëmësore karakterizuan kuvendin, që arriti kulmin në lutjen mbrëmësore në Vatikan
me Papën Benedikti XVI, me rastin e fillimit të vitit akademik të universiteteve papnore.
Impenjimi i ardhshëm i Veprës përmblidhet në dokumentin e paraqitur dje, me titull
“Orientime baritore për promovimin e thirrjeve në shërbimin meshtarak”.