Պենետիկտոս ԺԶ Կը Մատնանշէ Քրիտոնէականի Դասաւանդումին Կարեւորութեան Պրազիլի Կառավարական Դպրոցներուն Մէջ

Անցեալ 31 հոկտեմբերին, ընդունելով Պրազիլի նոր դեսպանի Ալմիր ֆրանքօ տէ սա Պարպուտանի հաւատարմագրերը, Պենետիկտոս ԺԶ Սրբազան Քահանայապետը մատնանշած է կարեւորութիւնը քրիստոնէականի դասաւանդման կառավարական դպրոցներուն մէջ , հաստատելով որ դաստիարակութիւնը չի ընդգրկեր միայն <<գիտութեան>> ասպարէզը, այլ մարդու ամբողջ էութիւնը , սկսելով՝ ընկերային իրողութենէն մինչեւ վերանցականը։ Նորին Սրբութիւնը իր խօսքին մէջ ապա մատնանշեց Պրազիլի ու Սուրբ Աթոռի միջեւ 2008-ին ստորագրուած հաձայնագիրի մասին ու առիթէն օգտուելով շնորհակալութիւն յայտնեց Պրազիլի կառավարութեան որ ընդունած է յառաջիկայ 2013-ին ԺՄԺ երիտասարդութեան համաշխարհային հաւաքը հիւրնկալել Րիո Տէ Ժանէյրոյի մէջ։
Նշենք որ Պրազիլը աշխարհի ամենամեծ կաթողիկէ երկիրն է, ինչպէս նաեւ անոր եպիսկոպոսական համահաւաք դասի եպիսկոպոսներու թիւը ամէնէն բարձրն է։