Հէրի Որբերեան Շուշիի Մէջ Արուեստի Փառատօն Կը Կազմակերպէ։
Արուեստագէտ նկարիչ Հէրի Որբերեան Արցախ մեկնած է՝ յատուկ առաքելութեամբ: «Շուշի Արթ
փրոճէքթ» անունով ոչ -շահութաբեր միութեան հիմնադիր-ղեկավար Որբերեան, նախաձեռնած է Շուշիի
մէջ «Հողը եւ Արհեստագիտութիւնը» խորագրով Փառատօնի մը կազմակերպման աշխատանքներուն:
Հէրի Որբերեանը արմատներով Արեւմտեան Հայաստանէն է, Ցեղասպանութեան հետեւանքով անոր
նախնիները յայտնուած են Պէյրութի մէջ։ Լիբանանի մէջ քաղաքացիական պատերազմի տարիներուն
, ապա անոնք տեղափոխուած են Միացեալ Նահանգներ: Հէրիի մեծ մայրը ԱՄՆ-ու վաստակաւոր
արուետագէտ էր: Ինչպէս կը պատմէ անոր թոռնիկը՝ օր մը երբ զինք հրաւիրած էին պարգեւատրելու,
անոր պատուոգիր յանձնած է նոյնինքն ՝ Հիլարի Քլինթոնը: Քլինթըն , երբ Հէրիի մեծ մօրը
կը յանձնէր պատուոգիրը, Հէրիի մեծ մայրը անոր ականջին բան մը փսփսած է եւ Հիլարին գրկած
է զինք: Յետագային, երբ փորձեցին հարցնել մեծ մօրը , թէ ինչ մրմնջած էր, ան ըսած է որ
Հիլարիի ականջին փսփսացի ըսելով ՝ «Նակորնի Ղարաբաղի հարցով հետաքրքրուեցէք»: Հէրի
Որբերեանի խօսքերով՝ Արցախը Հայաստան է, եւ ան իւրաքանչիւր հայի հոգիի եւ սրտի մէջ է: Որբերեանի
Ծրագիրը, որ պիտի իրականացուի Շուշիի մէջ, պիտի կրէ «Շուշիի Արուեստը» խորագիրը: Ներկայիս
նախապատրաստական աշխատանքներու փուլին մէջ կը գտնուիի Ծրագիրը : Ցուցահանդէսը հաւանաբար
կը կայանայ 2012 թուականի Հոկտեմբերին, կամ թէ 2013 թուականի գարնանը: Ծրագրիրը
նաեւ նպատակ ունի օտարները ներգրաւելու եւ զիրենք բերելու Արցախ: