Біскупы Еўропы: праз адзінства і салідарнасць можна перамагчы крызіс
28 кастрычніка ў Бруселі
закончылася пленарная Асамблея Камісіі Канферэнцый Біскупаў краін Еўрапейскага Саюза,
працы якой былі прысвечаны тэме: “Фінансавы крызіс і будучыня еўрапейскай інтэграцыі”.
На заканчэнне форума біскупы скіравалі спецыяльнае пасланне, у якім заклікаюць “лідэраў
еўрапейскіх краін устрымацца ад узаемных абвінавачванняў за сучасны эканамічны і фінансавы
крызіс і знайсці разам рашэнні для выйсця з яго”. Іерархі заклікаюць еўрапейскіх
лідэраў прыняць доўгатэрміновыя меры па выхаду з гэтага крызісу.
“Асноўныя
прычыны крызіса маюць структурны характар, карані якога ляжаць ў кароткатэрміновых
палітычных рашэннях, якія часта прымаліся ў кантэксце бліжайшых выбараў”, - адзначаюць
біскупы. Перад абліччам такой сітуацыі іерархі заклікаюць не практыкаваць, так званую,
“культуру вінаватых, якая не прывядзе да нічога”, але “захоўваць адзінства і праяўляць
салідарнасць”, бо крызісы не абавязкова вядуць да заняпаду, але могуць стаць нагодай
да аднаўлення.
У сваім пасланні іерархі адзначаюць, што трэба звяртаць большую
ўвагу на патрэбы моладзі, якая вельмі рызыкуе стаць найбольшай ахвярай гэтага крызіса.
“Касцёл можа стаць надзеяй для еўрапейскага грамадства, якому пагражаюць папулізм
і падзелы”, бо прычына крызіса маюць маральныя і духоўныя карані”, - адзначаюць біскупы.
Яны звяртаюць ўвагу на тое, што “Касцёл дапамагае найбольш бедным членам грамадства,
праз сацыяльнае служэнне, якое спрыяе павазе да годнасці чалавечай асобы і агульнаму
дабру, а таксама скіравана супраць індывідуалістычных тэндэнцый”.