Еўрапейскі Парламент выступіў у абарону хрысціян у Егіпце і Сірыі
27 кастрычніка Еўрапейскі
Парламент на сваім паседжанні прыняў рэзалюцыю, ў якой заклікаў спыніць у Егіпце і
Сірыі насілле ў дачыненні да хрысціянскіх супольнасцяў і запатрабаваў большай абароны
для іх, з рашучасцю асудзіўшы акты насілля, якія адбываліся падчас мірных маніфестацый
ў гэтых краінах. Еўрапейскі парламент выказаў заклапочанасць парушэннем правоў чалавека
ў Сірыі і заклікаў чарговы раз прэзідэнта краіны Башыра Асада сысці ў адстаўку.
Ёзэф
Даўль, старшыня парламенцкай групы Еўрапейскай народнай партыі запатрабаваў “неадкладнага
спынення атакаў на копцкія супольнасці ў Егіпце”. Ён адзначыў, што вызнаўцы Хрыста
маюць права жыць у міры і свабодна выказваць свае пераканані. “Улады Егіпта гарантуючы
ўсім хрысціянам і іх храмам адпаведную ахову, паклалі б канец нападам на іх з боку
ісламскіх экстрэмістаў”, - сказаў італьянскі еўрадэпутат Марыё Маўро.
Падчас
форума ў Страсбургу было вырашана, што ў выпадку сур’ёзных парушэнняў правоў чалавека
ў Егіпце, будуць прыняты адпаведныя санкцыі. Еўрапарламент выказаў таксама заклапочанасць
выкраданнем ісламскімі фундаменталістамі копцкіх дзяўчат, якіх пазней прымушаюць прыняць
іслам.