Бэнэдыкт XVI у Асізі: насілле не адпавядае прыродзе рэлігіі
27 кастрычніка ў Асізі,
горадзе св. Францішка, пачалася сустрэча пад назвай “Дзень разважання, дыялога і малітвы
за мір і справядлівасць у свеце”, у якой прымае ўдзел Бэнэдыкт XVI, прадстаўнікі сусветных
рэлігій, а таксама неверуючыя людзі, якія знаходзяцца ў пошуку праўды. Першым пунктам
мерапрыемства, стала сустрэча ў базыліцы Маці Божай Анёльскай, падчас якой рэлігійныя
лідэры выступілі з прамовамі прысвечанымі тэмам міра ў свеце, дыялога і ролі рэлігій
у гэтай сферы.
З прамовай да ўдзельнікаў форума звярнуўся Бэнэдыкт XVI, які
падкрэсліў, што варта задумацца, ці свет дасягнуў міра праз 25 год пасля таго, як
у Асізі па ініцыятыве бл. Яна Паўла ІІ прайшла першая міжрэлігійная малітва. Папа
заўважыў, што ў той час свет быў падзелены на два варожыя блокі, якія разваліліся
праз тры гады пасля той першай сустрэчы. “Жаданне народаў быць свабоднымі было мацнейшым
за арсеналы зброі”, - сказаў Пантыфік і адзначыў, што, аднак, гэты “свабодны свет
апынуўся ў сітуацыі без арыенціраў і многія разумелі свабоду, як свабоду для насілля”.
“Разлад набыў новае жудаснае аблічча і барацьба за мір павінна па-новаму стымуліраваць
усіх нас”, - заклікаў Святы Айцец.
Бэнэдыкт XVI падкрэсліў, што адным з новых
абліччаў насілля ў сучасную эпоху з’яўляецца тэрарызм, які часта выкарыстоўвае рэлігію
для апраўднання насілля. “Прадстаўнікі рэлігій, яшчэ ў 1986 г. у Асізі сказалі, і
мы, гучна і з упэўненасцю, паўтараем гэта зараз – гвалт, не адпавядае прыродзе рэлігіі”,
- падкрэсліў Папа. Каб адказаць на пытанне аб сапраўднай прыродзе рэлігій, Святы Айцец
заклікаў да глыбокага супольнага разважання, бо ў гэтым пытанні “заключаецца фундаментальнае
заданне міжрэлігійнага дыялога”.
“Як хрысціянін, я хачу сказаць: - працягваў
Святы Айцец - так, у гісторыі, таксама ў імя хрысціянскай веры здзяйснялася насілле.
Мы гэта прызнаём і саромімся гэтага. Аднак, відавочна, што гэта было выкарыстанне
хрысціянскай веры, не адпаведнае яе сапраўднай прыродзе”, - сказаў Бэнэдыкт XVI. Папа
адзначыў, што “Крыж Хрыста, з’яўляецца для хрысціян знакам Бога, які замест насілля,
заклікае да цярпення з іншым і любові да іншага”. “Яго Імя – “Бог любові і супакою”,
- падкрэсліў Святы Айцец.
Другое аблічча насілля, на думку Пантыфіка, “мае
супрацьлеглы фундамент”, а менавіта, з’яўляецца “наступствам адсутнасці Бога”. “Ворагі
рэлігій, бачаць у ёй крыніцу насілля ў гісторыі чалавецтва і прапаведуюць знікненне
рэлігій. “Не” для Бога нарадзіла жорсткасць і насілле без межаў, якія сталі магчымымі,
бо чалавек не прызнаваў больш ніякіх норм над сабой, але нормай абраў выключна сябе
самога”, - сказаў Папа.
Святы Айцец адзначыў, што “пакланенне мамоне, жаданню
мець больш і панаваць, выяўляе анты-рэлігійную пазіцыю, якая заключаецца ў тым, што
ні чалавек становіцца важным, а выключна ўласная карысць”, як “напрыклад у гандлю
наркотыкамі”.
Папа падкрэсліў, што побач з рэлігійнай і антырэлігійнай рэальнасцямі,
існуе трэццяя, а менавіта агнацыстычная – людзей, якія не вераць у Бога, але шчыра
шукаюць праўду. “Яны “пілігрымы праўды, пілігрымы міра”, задаюць пытанні і аднаму
і другому бакам”, - падкрэсліў Папа.
Святы Айцец заклікаў, на гэтым шляху
да праўды, пачаль супольную дзейнасць на карысць годнасці чалавека і міра. “Напрыканцы,
я хачу адзначыць, што Каталіцкі Касцёл не жадае змагацца з насіллем, але спрыяць міру
ў свеце. Мы натхняемся супольным жаданнем быць “пілігрымамі праўды, пілігрымамі міра”,
- сказаў Папа.
Пасля заканчэння сустрэчы ў базыліцы Маці Божай Анёльскай удзельнікі
форума, маюць магчымасць для дыскусій, разважанняў і малітвы. Сёння вечарам, у базыліцы
св. Францішка яны супольна адновяць сумеснае імкненне да міра.