Старшныя Епіскапата Анголы: краіна патрабуе паўторнай евангелізацыі
У Ватыкан з візітам
“Ad Limina Apostolorum” прыбылі біскупы Анголы. Гэта найбольшая каталіцкая краіна
ў Афрыцы. Больш за 50% яе жыхароў складаюць католікі. У інтэрв’ю нашаму радыё старшыня
Канферэнцыі Біскупаў Анголы, Лубангскі арцыбіскуп Габрыель Мбілінгі расказаў аб ролі,
якую Каталіцкі Касцёл адыграў у працэсе нацыянальнага прымірэння. “Ангола на працягу
30 гадоў перажыла вялікія пакуты і падзелы паміж рознымі этнічнымі групамі і плямёнамі.
Касцёл заўсёды гаварыў аб прымірэнні праз свае прасланні да народу”, - сказаў іерарх.
“Пасля
атрымання незалежнасці, грамадзянская вайна ў краіне працягвалася. Пры ўладзе была
марксісцка-ленінская партыя, значыць атэістычная. Яна ўзняла палітыку супраць Касцёла
і рэлігіі. Некаторыя святары былі забітыя, іншыя апынуліся ў зняволенні. Падчас
грамадзянскай вайны шматлікія законніцы былі забітыя, а некаторыя семінарысты выкрадзеныя.
Толькі ў 2002 г. у краіне нарэшце запанаваў мір. З аднаго боку, Касцёл працягваў сваё
сведчанне хрысціянскай веры, спрабуючы аб’яднаць усе сем’і краіны, і з другога боку
ўрад Анголы, пасля асягнення міра, прызнаў рашучую ролю Касцёла ў дасягненні міра
ў краіне”.
Іерарх адзначыў, што ў Анголе цэлыя пакаленні не мелі поўнага доступу
да навучання Касцёла, да Евангелля. “У сённяшні час наша краіна патрабуе глыбокай
паўторнай евангелізацыі. Моладзь падлягае вялікаму ўплыву глабалізацыі і секулярызацыі
і шматлікім сектам.”, - сказаў арцыбіскуп Мгілінгі. “Улады краіны падтрымліваюць іслам
у надзеі, што могуць разам змагацца з рэлігійныя сектамі, таксама з Каталіцкім Касцёлам,
які з’яўляецца цвёрдай рэальнасцю ў Анголе і з хрысціянствам наогул”, - сказаў старшыня
Канферэнцыі Біскупаў Анголы.