Пасланне Бэнэдыкта ХVI на Сусветны дзень мігранта і бежанца 2012 г
25 кастрычніка Зала
Друку Апостальскай Сталіцы апублікавала пасланне Бэнэдыкта ХVI на Сусветны Дзень мігрантаў
і бежанцаў на 2012 г. Ён будзе праходзіць пад дэвізам: “Міграцыі і новая евангелізацыя”.
Святы Айцец у пасланні звяртае ўвагу на тое, што сёння мы адчуваем настойлівую патрэбу
новай евангелізацыі ў свеце, дзе скасаванне межаў і новыя глабалізацыйныя працэсы
яшчэ больш набліжаюць народы.і гэты працэс ідзе праз асабовыя стасункі, праз уплыў
СМІ і праз самую з’яву моцнага перамяшчэння людзей. “Тэма “Міграцыі і новая евангелізацыя”
адказвае гэтай рэчаіснасці. Сённяшні час патрабуе ад Касцёла ажыццяўляць новую евангелізацыю
як на тэрыторыях, дзе Евангелле абвяшчаецца ўпершыню, так і ў краінах хрысціянскай
традыцыі”, - падкрэсліў Папа.
Пантыфік нагадаў, што сёння Бог і навучанне Каталіцкага
Касцёла часта выдаляюцца з жыцця і ў той жа час пашыраюцца сумнеў, скептыцызм і абыякавасць,
Яны імкнуцца нават адстараніць ўсялякія формы хрысіянскай веры. “У такой сітуацыі
задачай Касцёла з’яўляецца тое, каб дапамагаць мігрантам захаваць сваю веру і выпрацаваць
новыя душпастырскія стратэгіі і метады, якія б спрыялі б прыняццю Божага Слова”, -
адзначаецца ў пасланні.
Бэнэдыкт ХVI падкрэсліў, што з’ява эміграцыі спрыяе
абвяшчэнню Евангелля ў сучасным свеце. “Людзі, якія яшчэ не сустрэлі ў сваім жыцці
Езуса Хрыста або ведаюць пра Яго вельмі мала, просяць прытулку ў шматлікіх краінах
старажытнай хрысціянскай традыцыі. Неабходна ўсведаміць знайсці адпаведныя спосабы,
каб і яны змаглі пазнаць Езуса - бясцэнны дар збаўлення”, - адзначае Святы Айцец.
Папа далей звяртае ўвагу на тое, што мы павінны зразумець і прыняць бежанцаў, паважаць
іх чалавечую годнасць і іх правы, людзей, якія ўцяклі перад пераследаваннямі, гвалтам,
войнамі. Таксама і эмігранты павінны быць свядомымі сваіх абавязкаў. “Хрысціянскія
супольнасці павінны атачаць эмігрантаў асаблівым клопатам праяўляючы да іх салідарнасць
і хрысціянскую любоў. Яны павінны выкарыстоўваюць тое, што ўзаемна ўзбагачае а таксама
ўводзіць у жыццё новыя палітычныя, эканамічныя і грамадскія праграмы, якія спрыялі
б павазе годнасці кожнай чалавечай асобы, ахове сям’і і запэўнівалі ўсім годную працу,
жыллё і апеку”, - напісаў Папа ў пасланні.